धनकुटाः धनकुटाको साँगुरीगढी गाउँपालिकाको नाम्जेस्थित निर्माणाधीन बहुसांस्कृतिक सङ्ग्रहालय लथालिङ्ग अवस्थामा काम रोकिएको छ ।
निर्माण थालिएको तीन वर्ष हुँदासमेत बजेट अभाव भएपछि सङ्ग्रहालय निर्माणको काम रोकिएको हो । सङ्ग्रहालय निर्माणका लागि प्रदेश–१ सरकारले ७० तथा गाउँपालिकाले ३० प्रतिशत रकम ब्यहोर्ने सम्झौता भएको थियो । तर, प्रदेश–१ को भौतिक पूर्वाधार विकास मन्त्रालयले दुुई वर्षयता सङ्ग्रहालयका लागि बजेट उपलब्ध गराएको छैन ।
स्थानीय जातजातिको संस्कार संस्कृति, बाजागाजा र पोशाक संरक्षण–प्रवद्र्धनका लागि संग्रहालय बनाउन शुरु गरिएको थियो । तर, अहिले केही संरचना बने पनि अधिकांश संरचना लथालिङ्ग अवस्थामा रहेका छन् ।
हाम्रो कोशी आवाज
