बिर्तामोडः झापामा एक महिलाको दुर्घटनामा मृत्यु भएको छ ।
मृत्यु हुनेमा शिवसताक्षी नगरपालिका बस्ने ५३ वर्षीया हिमादेवी दाहाल रहेकी छिन् । उनलाई ट्रकले किचेको प्रहरीले जनाएको छ ।
प्रहरी कार्यालय झापाका डिएसपी वसन्त पाठकका अनुसार गौरादह पाडाजुङ्गी सडक खण्डअन्तर्गत गौरादह नगरपालिका–१ मा प्रदेश १–०१–०१४ प ३३२६ मोटरसाइकलमा सवार महिला हिमादेवी सडकमा अचानक लड्दा दक्षिणबाट उत्तरतर्फ जाँदै गरेको मे१ख २६९८ नम्बरको धान बोकेको ट्रकले किच्दा उनको घटनास्थलमै मृत्यु भएको हो । मोटरसाइकल चालक मृतकका श्रीमान् ५६ वर्षीय नन्दलाल दाहाल भने सकुशल छन् ।
हाम्रो कोशी आवाज
