बिर्तामोडः झापाको चिज बल्स र चाउचाउ उद्योग मनसा थाई फुड्स प्रालिमा शनिबार बिहान ठूलो आगलागी भएको छ। मेचीनगर नगरपालिका(१४ दुवागढीमा रहेको उद्योगमा बिहान ४ बजेदेखि आगलागी भएको हो।
उद्योग सञ्चालक बुद्धिप्रकाश घिमिरेका अनुसार उद्योग परिसरमा रहेको ९० प्रतिशतभन्दा बढी प्रोपर्टी नष्ट भएको छ । उनले एक अर्बभन्दा बढी क्षति भएको बताएका छन् ।
उनका अनुसार ब्वाइलर र खाने तेलको ट्यांकी आगोबाट जोगिएपनि तेलमा धुवाँ पसिसकेकाले प्रयोग गर्न अयोग्य भइसकेको छ। कारखानामा रहेका तयारी सामग्री कच्चा पदार्थ, सहायक कच्चा पदार्थ, र्यापर लगायतका सबै सामग्री नष्ट भएका छन् ।
त्यस्तै उदयोगका प्लान्टहरु पनि आगोले ध्वस्त भएका छन्। उद्योग परिसरमा भएका ३ मुख्य भवनमध्ये एउटा मात्र बचेको छ।