सोलुखुम्बुः सोलुखुम्बु खुम्बु पासाङल्हामु गाउँपालिका ४ खुम्जुङ बस्ने पासाङल्हामु शेर्पाको ८ वर्षीया सोनाम छुटिन शेर्पाको घोडाबाट लडेर मृत्यु भएको छ ।
उनीसँगै सवार रहेकी अर्की बालिका ९ वर्षीया मिङमा कान्छी शेर्पा समेत सामान्य घाइते भएकी १ नम्बर प्रदेश प्रहरी कार्यालय विराटनगर सूचना समन्वय अधिकृत प्रहरी उपरीक्षक नविनराज राईले जानकारी दिए ।
बुधबार बिहान साढे १० बजे उनीहरु मामाको घोडामा चढेर जाँदै गर्दा खुम्बु पासाङल्हामु गाउँपालिका ३ लासे दोभानस्थितमा हिउँमा चिम्लिएर घोडा लड्दा उनीहरु समेत लडी घाइते भएकी थिइन् ।
घाइतेमध्ये सोनामको उपचारको लागेर लैजाँदै गर्दा दिउँसो १२ बजे बाटैमा मृत्यु भएको छ । घटना सम्बन्धमा इलाका प्रहरी कार्यालय नाम्चेबाट प्रहरी टोली खटी गई थप अनुसन्धान भइरहेको छ ।