धरानः सुनसरीको भोक्राहा नरसिङ गाउँपालिका–७ स्थितमा खाल्डोमा जमेको पानीमा डुवी बालकको मृत्यु भएको छ ।
मृत्यु हुनेमा भोक्राहा नरसिङ–७ का शंकर मेहेताको १५ महिनाको छोरा रोहित मेहता रहेका छन् । भोक्राहा नरसिङ–१ स्थित मावली घरको आँगन छेउमा खाल्डोमा जमेको पानीमा डुबेर मृत अवस्थामा निजको आमाले फेला पारेकी थिइन् । घटना सम्बन्धमा जिल्ला प्रहरी कार्यालय सुनसरीबाट थप अनुसन्धान भइरहेको छ ।
यस्तै, इलामको रोङ गाउँपालिका–२ स्थितमा रुखबाट लडि १ जनाको मृत्यु भएको छ ।
मृत्यु हुनेमा रोङ–२ बरफल्याङ का २७ बर्षीय सुवास नेपाल रहेका छन । घरनजिकै रहेको साजको रुखमा चढी घाँस झार्ने क्रममा लडी घाइते भएका नेपालको उपचारको क्रममा मेची अस्पताल भद्रपुरमा मृत्यु भएको हो । घटना सम्वन्धमा थप अनुसन्धान भइरहेको जिल्ला प्रहरी कार्यालय इलामले जनाएको छ ।