तेह्रथुमः जिल्ला प्रहरी कार्यालय तेह्रथुम परिसरमा रहेको नागरिक सहायता कक्ष भवनको उद्घाटन् भएको छ ।
जिल्ला प्रहरी कार्यालय तेह्रथुम हाताभित्र भएको कार्यक्रमका बीच १ नम्बर प्रदेश प्रहरी कार्यालयका प्रमुख प्रहरी नायव महानिरीक्षक अरुणकुमार बिसीले नवनिर्मित नागरिक सहायता कक्ष भवनको विधिवत रुपमा उद्घाटन गरेका छन् ।
जिल्ला प्रहरी कार्यालय तेह्रथुमको निरीक्षणपश्चात् कार्यक्रममा बोल्दै प्रहरी नायव महानिरीक्षक बिसीले गाँस, बासको उचित ब्यवस्था भएसँगै प्रहरी कर्मचारीहरुमा काम गर्ने थप हौसला मिल्ने बताए ।
उनले आगामी दिनमा हुन गइरहेको स्थानीय निर्वाचन त्रुटिरहित सम्पन्न गराउनका लागि तयारी हुन र जिल्लाको शान्ति-सुरक्षामा विशेष ध्यान दिनुका साथै प्रहरी कर्मचारहरुले जनमैत्री प्रहरी सेवा प्रदान गर्न र कानूनको परिधीमा रही जनचाहना बमोजिमको प्रहरी सेवा प्रदान गर्न प्रहरी कर्मचारीहरुलाई निर्देशन समेत दिए ।