सुनसरीः सुनसरीमा मोटरसाइकल चोरी गर्ने तीनजनालाई पक्राउपछि सार्वजनिक गरिएको छ ।
गत कार्तिक ९ गते इटहरी– ६ स्थित आरसिटी मार्केट छेऊमा पार्किङ गरिराखेको नविन बोगटीको को१५प २९ नम्बरको होण्डा कम्पनीको युनीकर्ण मोटरसाइकल र फागुन १२ गते इटहरी मेडिकल छेऊमा पार्किङ गरिराखेको को३६प ९६४ नम्बरको पल्सर मोटरसाइकल चोरी भएको थियो ।
जिल्ला प्रहरी कार्यालय सुनसरीका एसपी सञ्जयसिंह थापाले कार्यालयबाट खोजतलास गर्ने क्रममा मोटरसाइकलसहित सप्तरी कञ्चनरुप नगरपालिका–१२ घर भई हाल इटहरी– ८ गैसारमा डेरा गरी बस्ने वर्ष २३ को राहुल श्रेष्ठ, इटहरी–२० बस्ने वर्ष २४ को सरोज कार्की र मोरङ मिक्लाजुङ गाउँपालिका ५ बस्ने वर्ष २८ को पुजन भन्ने अजित श्रेष्ठलाई इटहरी एरियाबाट पक्राउ गरिएको जानकारी दिए । सुनसरी जिल्ला अदालतबाट म्याद थप भई उनीहरुमाथि अनुसन्धान भइरहेको प्रहरीले जनाएको छ ।