विराटनगरः मोरङको रंगेली नगरपालिका २ मंगलबारेस्थित विराटनगर आमबारी सडक खण्डमा मोटरसाइकल दुर्घटनाबाट एक जनाको मृत्यु र एक जना घाइते भएका छन् ।
मृत्यु हुनेमा मोटरसाइकल पछाडि सवार विराटनगर महानगरपालिका ५ का ४१ वर्षीय बलराम बर्तोला रहेका छन् भने चालक विराटनगरकै १६ वर्षीय कमल भन्ने कुनाल बर्तौला घाइते भएको प्रदेश १ ट्राफिक प्रहरी कार्यालय विराटनगरका प्रहरी उपरीक्षक नविनराज राईले जानकारी दिए ।
पूर्वबाट पश्चिमतर्फ जाँदै गरेको प्रदेश न.०१–०४–००१ प ७१६४ नम्बरको मोटरसाइकल आफै अनियन्त्रित भई दुर्घटना भएको थियो । दुर्घटनावाट घाइते भएका बलरामको उपचारको लागि कोशी अस्पताल पुरयाउन साथ मृत्यु भएको थियो भने घाइते कुनालको गोल्डेन अस्पताल विराटनगरमा उपचार भइरहेको छ । घटना सम्बन्धमा थप अनुसन्धान भइरहेको इलाका प्रहरी कार्यालय रंगेलीले जनाएको छ ।