बिर्तामोडः झापाको दुई स्थानबाट लागुऔषध ब्राउन सुगरसहित २ जनालाई पक्राउ गरिएको छ ।
पक्राउ पर्नेमा झापा मेचीनगर नगरपालिका १२ का ४५ वर्षीय कुमार राजवंशी र झापा अर्जुनधारा नगरपालिका ४ भाङबारीका ३६ बर्षीय रेसबहादुर सार्की रहेका छन् । इलाका प्रहरी कार्यालय काकडभिट्टा र लागूऔषध नियन्त्रण ब्यूरोबाट खटिएको प्रहरी टोलीले मेची पुल छेउबाट कुमारलाई ४ ग्राम ब्राउन सुगरसहित पक्राउ गरेको हो ।
अस्थायी प्रहरी चौकी खुदुनाबारीबाट खटिएको प्रहरी टोलीले रेसबहादुरलाई घरमै ब्राउन सुगर २ ग्रामसहित पक्राउ गरेको हो । पक्राउ परेका दुवै जनाको थप अनुसन्धान भइरहेको जिल्ला प्रहरी कार्यालय झापाले जनाएको छ ।
हाम्रो कोशी आवाज
