विराटनगरः मोरङको विराटनगर महानगरपालिका-१५ स्थितबाट लागूऔषध ब्राउन सुगरसहित तीनजनालाई प्रहरीले पक्राउ गरेको छ ।
पक्राउ पर्नेहरुमा त्रिपुरासुन्दरी गाउँपालिका-९ सिन्धुपाल्चोकका ३८ वर्षीय सन्दीप खड्का, स्वयम्भु नगरपालिका-१५ काठमाण्डौका २३ वर्षीय हिमाल नेपाल र देउराली गाउँपालिका-५ रामेछापका ३४ वर्षीय कृष्णबहादुर मगर रहेका छन् ।
इलाका प्रहरी कार्यालय रानीबाट खटिएको मोवायल गस्ती टोलीले सशका लागि चेकजाँच गर्ने क्रममा निजहरुको साथबाट ब्राउन सुगर १.६ ग्राम, नगद रुपैयाँ १ लाख ५ हजार बरामद गरेको हो । पक्राउ परेका तीनैजनाको इलाका प्रहरी कार्यालय रानीबाट थप अनुसन्धान भइरहेको छ ।
हाम्रो कोशी आवाज
