धनकुटाः धनकुटाको धनकुटा नगरपालिका–९ मूलघाटस्थित तमोर नदीमा एक महिला मृत अवस्थामा फेला परेकी छिन् ।
मृत फेला परेकी महिला धनकुटा नगरपालिका–९ स्थित विश्रान्ति वृद्धा आश्रममा बस्दै आएकी ५६ वर्षीया देवी लामिछाने रहेकी छिन् । लामिछाने फागुन २९ गते दिउँसो बृद्धआश्रमदेखि हराई बेपत्ता भएकी थिइन् ।
प्रहरी चौकी मूलघाटबाट खटिएको प्रहरी टोलीले खोजतलास गर्ने क्रममा मङ्गलबार बिहान सवा ९ बजे नदी किनारमा मृत अवस्थामा फेला पारेको प्रहरीले जनाएको छ । शव पोष्टमार्टमको लागि जिल्ला अस्पताल धनकुटा पठाइएको र जिल्ला प्रहरी कार्यालय धनकुटाबाट अन्य थप अनुसन्धान भइरहेको छ ।
हाम्रो कोशी आवाज
