सुनसरीः सुनसरीको रामधुनी नगरपालिका–६ बक्लौरीमा भएको मोटरसाइकल दुर्घटनामा परी चालकको मृत्यु भएको छ ।
बुधबार बिहान पौने ११ बजेको समयमा इचोलबाट बक्लौरीतर्फ जाँदै गरेको को२४प ९४५६ नम्बरको मोटरसाइकल आफै अनियन्त्रित भई सडकमा पल्टिएर दुर्घटना हुँदा घाइते भएका मोटरसाइकल चालक रामधुनी नगरपालिका–६ का वडा सचिव ५३ वर्षीय नन्दकुमार श्रेष्ठलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाएकोमा उपचारको क्रममा मृत्यु भएको इलाका प्रहरी कार्यालय पकलीले जनाएको छ । घटना सम्बन्धमा प्रहरी थप अनुसन्धान भइरहेको प्रहरीले जनाएको छ ।
हाम्रो कोशी आवाज
