भोजपुरः भोजपुरको पौवादुङमा गाँउपालिका–२ स्थितमा खाल्डोमा जमेको पानीमा डुबेर बालकको मृत्यु भएको छ ।
सोमबार दिउँसो साढे ११ बजे मामली घर पौवादुङमा आई बसेका मोरङको केराबारी गाउँपालिका–७ का गणेश मगरका २ वर्षीय छोरा आशिर मगर खेल्ने क्रममा लडेर खाल्डोको पानीमा डुबेका थिए ।
अचेत अवस्थामा आफन्तले फेला पारी उपचारको लागि स्थानीय स्वास्थ्य चौकी पुरयाउनासाथ डाक्टरले मृत घोषणा गरेका थिए । घटना सम्बन्धमा जिल्ला प्रहरी कार्यालय भोजपुरबाट थप अनुसन्धान भइरहेको प्रदेश १ प्रहरी कार्यालय विराटनगरका सूचना समन्वय अधिकृत प्रहरी उपरीक्षक नविनराज राईले जानकारी दिए ।
हाम्रो कोशी आवाज
