ताप्लेजुङः एक युवकले बुबाआमाको हत्या गरेका छन् ।
फक्ताङलुङ गाउँपालिका–६ लेलेपका २५ वर्षीय आइतराज लिम्बूले गएराति बुबा ७० वर्षीय बृखबहादुर र आमा ७२ वर्षीया फिपरानीको हत्या गरेको प्रहरीले जनाएको छ । लिम्बूले खुकुरी प्रहार गरी हत्या गरी हत्या गरेको खुलेको प्रहरीले जनाएको छ ।
आइतराजले मादक पदार्थ खाएर बुबाआमाको हत्या गरेको खुलेको जिल्ला प्रहरी कार्यालय ताप्लेजुङका प्रहरी नायब उपरीक्षक (डीएसपी) कैलाश राईले जानकारी दिए । आइतराजलाई प्रहरीले नियन्त्रणमा लिइसकेको छ । के कारणले हत्या भएको हो भन्नेबारेमा अहिलेसम्म केही खुलेको छैन ।
साताअघि उनीहरुबीच झगडा भएको र प्रहरीले ती युवालाई नियन्त्रणमा समेत लिएको बुझिएको प्रहरीले जनाएको छ । घटनाबारे थप अनुसन्धान भइरहेको राईले बताए ।