बिर्तामोडः जिल्ला प्रहरी कार्यालय झापाले मोटरसाइकल चोरीमा संग्लग्न रहेका दुईजनालाई चोरी भएको ४ थान मोटरसाइकलसहित पक्राउ गरेको छ ।
पक्राउ पर्नेहरुमा मिक्लाजुङ गाउँपालिका–५ पाँचथरका २१ वर्षीय चन्द्रकुमार योङया र २० वर्षीय सुरेन्द्र भनिने जीवन कुरुङवाङ रहेका छन् ।
गत १३ गते दमक नगरपालिका–६ बाट हराएको मोटरसाइकल खोजतलास गर्ने क्रममा उनीहरुले चलाइरहेको अवस्थामा फेला पारी दुवैजनालाई मिक्लाजुङ गाउँपालिका–६ शखधर चोकबाट पक्राउ गरेको हो ।
पक्राउ परेका दुवै जनालाई सोधपुछ गर्ने क्रममा उनीहरुले नै झापाका बिभिन्न स्थानहरुबाट चोरी गरेका अन्य तीनथान मोटरसाइकल समेत बरामद भएको जिल्ला प्रहरी कार्यालय झापाले जनाएको छ । उनीहरुले मोटरसाइकल चोरी गर्ने र पहाडी जिल्लामा लगेर बेच्ने गरेको खुलेको जिल्ला प्रहरी कार्यालय झापाले जनाएको छ ।