संखुवासभाः संखुवासभाको चैनपुर नगरपालिका–१ नुनढाकीमा सुख्खा पहिरोले पुरिएर दुई जनाको मृत्यु भएको छ ।
चैनपुर नुनढाकी सडकखण्डमा तार जाली पर्खाल लगाउने क्रममा आज बिहान ११ बजे अचानक माथीबाट सुख्खा पहिरो झरेर पुरिदा सडक निर्माण कार्यमा खटिएका धरानका ३५ वर्षीय रामकुमार राई र चौदण्डीगढी नगरपालिका–६ उदयपुरका २० वर्षीय हेमबहादुर मगरको घटनास्थलमै मृत्यु भएको जिल्ला प्रहरी कार्यालय संखुवासभाका डिएसपी लालध्वज सुवेदीले जानकारी दिए ।
घटनास्थलमा इलाका प्रहरी कार्यालय चैनपुरबाट प्रहरी टोली खटी गई पहिरोमा पुरिएका दुवैजनाको उद्दार गरी शव परीक्षणको लागि जिल्ला अस्पताल खाँदबारी पठाएको छ भने थप अनुसन्धान भइरहेको उनले जानकारी दिए ।
हाम्रो कोशी आवाज
