तेह्रथुमः तेह्रथुमको लालीगुँरास नगरपालिका-९ स्थितबाट चोरीमा संलग्न एकजनालाई चोरी गरेको सुनका गरगहना र नगद सहित प्रहरीले पक्राउ गरेको छ ।
पक्राउ पर्नेमा झापा मेचीनगर नगरपालिका-११ घर बताउने ३५ वर्षीय रोशन तामाङ रहेका छन् । तामाङले जेठ २५ गते बुधबार दिउँसो फेदाप गाउँपालिका–२ तेह्रथुमका प्रेमप्रसाद भट्टराईको घरमा कोही नभएको मौका पारी ढोका फोडी कोठाभित्र काठको बाकसमा राखेको सुनको विभिन्न गरगहनाहरु ५ तोला, ५ आना र नगद एक हजार रुपैयाँसहित चोरी गरी फरार भएका थिए ।
चोरी भएको सूचना पाएलगत्तै प्रहरी चौकी योयाक्जुङ र जिल्ला प्रहरी कार्यालय तेह्रथुमबाट खटिएको प्रहरी टोलीले खोजतलासको क्रममा लालीगुराँस नगरपालिका–९ काँडे स्थितमा लुकिछिपी बसेको अवस्थमा चोरी भएका सम्पूर्ण गरगहना र नगदसहित तामाङलाई पक्राउ गरेको हो । पक्राउ परेका तामाङको जिल्ला अदातल तेह्रथुमबाट म्याद थप गरी थप अनुसन्धान भइरहेको जिल्ला प्रहरी कार्यालय तेह्रथुमले जनाएको छ ।
यस्तै, ओखलढुंगाको सिद्धिचरण नगरपालिका ६ जन्तरखानी माथिल्लो मैदाने ३५ वर्षीय कामे शेर्पालाई भरुवा बन्दुकसहित पक्राउ गरिएको छ । जिल्ला प्रहरी कार्यालय ओखलढुंगाबाट प्रहरी टोली खटी गई उनलाई घरैबाट भरुवा बन्दुकसहित पक्राउ गरेको हो । पक्राउ परेका उनको थप अनुसन्धान भइरहेको प्रहरीले जनाएको छ ।