विराटनगरः मोरङको विराटनगर महानगरपालिका–१४ रानी–विराटनगर सडक खण्डमा ‘अनटेष्ट बुलेट’ मोटरसाइकलको ठक्करबाट एकजनाको मृत्यु भएको छ ।
मङ्गलबार बिहान विराटनगरतर्फ जाँदै गरेको सो मोटरसाइकलले सोही दिशातर्फ जाँदै गरेका पैदलयात्री स्थानीय ६० वर्षीय मजेबुल मियाँलाई ठक्कर दिएको थियो ।
घाइते बनेका मियाँलाई विराटनगरस्थित न्युरो अस्पताल लगिएकोमा उपचारको क्रममा मृत्यु भएको प्रहरीले जनाएको छ । मोटरसाइकल र चालक भारत मझपुरका ५९ वर्षीय बिन्देश्वर रामलाइ इलाका प्रहरी कार्यालय रानीले नियन्त्रणमा लिई घटना सम्बन्धमा थप अनुसन्धान भइरहेको प्रदेश १ प्रहरी कार्यालय विराटनगरका प्रहरी उपरीक्षक नविनराज राईले जानकारी दिए ।
हाम्रो कोशी आवाज
