सुनसरीः सुनसरीको गढी गाउँपालिका–३ बैशी टोलस्थित भित्री सडक खण्डमा सवारी दुर्घटना हुँदा एकजनाको मृत्यु भएको छ ।
प्रदेश ट्राफिक प्रहरी कार्यालय इटहरीका डिएसपी सुमन तिम्सिनाका अनुसार बिहीबार बिहान सवा ८ बजे पूर्वबाट पश्चिमतर्फ जाँदै गरेको प्रदेश १–०२–००३ त १७५२ नम्बरको ट्याक्टरले सोही दिशातर्फ जाँदै गरेको को३प २५४५ नम्बरको मोटरसाइकललाई पछाडिबाट ठक्कर दिँदा मोटरसाइकल चालक सुनसरी बर्जु गाउँपालिका–६ का ५४ वर्षीय शिवनारायण चौधरीको घटनास्थलमानै मृत्यु भएको थियो ।
घटना सम्बन्धमा इलाका प्रहरी कार्यालय दुहबीबाट प्रहरी टोली खटी गई कानुनी प्रकृया पूरा गरी थप अनुसन्धान भइरहेको प्रहरीले जनाएको छ ।
हाम्रो कोशी आवाज
