विराटनगरः मोटरसाइकल चोरीको आरोपमा पक्राउ परेका मोरङको बुढीगंगा गाउँपालिका–६ का ३२ वर्षीय विनोद चौधरीको डेराबाट एकथान पेस्तोल बरामद भएको छ ।
जिल्ला प्रहरी कार्यालय मोरङले विगत एक महिनाको अवधीमा मोटरसाइकल चोरीमा संग्लग्न १६ जना मानिस २१ थान मोटरसाइकलसहित पक्राउ गरेको थियो ।
मोटरसाइकल चोरीको आरोपमा पक्राउ परेका उनीहरुको सम्बन्धमा थप अनुसन्धान गर्ने क्रममा चौधरीको डेरामा १ थान चाइनिज पेस्तोल, सोही पेस्तोलको गोली एक राउण्ड र म्याग्जिन १ थान भएको खुलेसगै बरामद भएको जिल्ला प्रहरी कार्यालय मोरङले जनाएको छ । घटना सम्बन्धमा अन्य थप अनुसन्धान भइरहेको १ नम्बर प्रदेश प्रहरी कार्यालय विराटनगर सूचना समन्वय अधिकृत प्रहरी उपरीक्षक नविनराज राईले जानकारी दिए ।