बिर्तामोडः सिटी सफारी पल्टिएर दुर्घटना हुँदा एकजनाको मृत्यु भएको छ ।
मृत्यु हुनेमा मोरङको उर्लाबारी–८ कदम टोली बस्ने ३२ वर्षीय डिल्लीराम घताने रहेका छन् । दुर्घटनामा घाइते बनेका उनको उपचारका क्रममा मंगलबारे अस्पताल उर्लाबारीमा करिब ७ बजे राति मृत्यु भएको प्रदेश १ ट्राफिक प्रहरी कार्यालय इटहरीका डिएसपी सुमन तिम्सिनाले जानकारी दिए ।
कमल गाउँपालिका ६ सुकुम्बासी टोलमा रहेको साउथपोल इङलिस बोर्डिङ स्कुलको गेटमा सोही स्कुलको जिप्सन बोकेको मे१ह ६३१० न. को सिटी रिक्सा उकालोमा एक्कासी पल्टी दुर्घटना भएको प्रहरीले जनाएको छ ।
दुर्घटनामा दमक–१० का २८ वर्षीय लिलाबहादुर भुजेल समेत घाइते भएका छन् । उनको विराटनगरस्थित नोवेल अस्पतालमा उपचार भइरहेको प्रहरीले जनाएको छ ।