धरानः ‘कोशी’ प्रदेश नाम खारेज माग गर्दै ‘प्रदेश १ पुनः नामांकन संयुक्त संघर्ष समिति’ ले कोशी प्रदेशमा आज आह्वान गरेको आम हड्तालको प्रभाव धरानमा परेको छ ।
कोशी प्रदेश नाम खारेजीको माग गदै पहिचानवादी संघ, संस्थाद्वारा गठित संघर्ष समितिले कोशी प्रदेश नाम खारेजीको माग गर्दै शनिबार राति कोशी प्रदेशको प्रमुख सहरहरूमा राँके जुलुस निकालेको थियो ।
यही फागुन १७ गते प्रदेशसभाको दुईतिहाइ मतले प्रदेशको नाम कोशी पारित गरेको हो । कोशी प्रदेश नामकरण भएको भन्दै विभिन्न जातीय संघ, संस्थाले सो नामप्रति असहमति जनाइरहेका छन् ।
संर्घष समितिले आइतबार बिहानैबाट बन्द गराउँदै हिँडेपछि धरानको अन्य बेला चल्दै आएका लामो दुरीका सवारी साधन चलेका छैनन् भने शैक्षिक संस्था पनि बन्द भएका छन् । सडकमा सुरक्षाकर्मीको बाक्लो उपस्थिति रहेको छ । प्रदेशको नाम पहिचानका आधारमा नभइ खोला नालाको नामलाई नै प्रदेशको नाम दिइएको भन्दै पहिचानको आधारमा नामाकरण गर्नुपर्ने माग गर्दै संयुक्त संघर्ष समितिले बन्दको आह्वान गरेको हो । हिजो शनिबारै प्रदेशका मुख्य मुख्य सहरमा राके जुलुस समेत निकालिएको थियो भने ‘प्रदेश नं. १ पुनः नामाङ्कन संयुक्त संघर्ष समिति’ले बन्दको घोषणा गरेको संयुक्त लोकतान्त्रिक राष्ट्रिय मञ्चका सुनसरी अध्यक्ष अमर इजमले जानकारी दिए । ‘कोशी’ प्रदेश  प्रहरी ट्राफिक कार्यालय इटहरीका अनुसार बन्दका कारण लामो र छोटो दूरीका सवारीहरू चल्न सकेका छैनन् ।  तस्वीरः सनम तामाङ