धरानः धरान उपमहानगरपालिकाका मेयर हर्क सामपाङले आफूलाई गफाडी भनेपछि संस्कृति पर्यटन तथा नागरिक उड्डयन मन्त्री सुदन किरातीले त्यसको जवाफ दिएका छन् ।
बिहीबार सामाजिक सञ्जालमार्फत् मन्त्री किरातीलाई मेयर हर्कले गफाडी भनेपछि सामाजिक सञ्जालमार्फत् नै उनले त्यसको जवाफ दिएका हुन् । हर्कले राखेको स्टाटसको स्किनसटसहित जवाफ दिँदै मन्त्री किरातीले आफूले फुस्रेबाट साँगुरी भन्ज्याङ्ग भेडेटार पदमार्ग निर्माणको लागि ५० लाख बजेट विनियोजन गरेको बताएका छन् ।
आफूले एक करोड पचास लाखको प्रस्ताव पेस गरेको भएपनि बजेट अभावका कारण ५० लाख आएको हुनसक्ने उल्लेख गर्दै उनले हर्कलाई जवाफ दिएका हुन् ।
उनले मेयर साम्पाङले संस्कृति पर्यटन तथा नागरिक उड्डयन मन्त्री सुदन किरातीलाई गफाडीको संज्ञा दिएका थिए । धरानमा श्रम संस्कृति पद मार्ग निर्माणको वाचा गरेपनि पूरा नगरको उल्लेख गर्दै उनले मन्त्री किरातीलाई गफाडी भनेका हुन् ।
‘सुदन किराती पनि गफाडी रैछन !’ सामाजिक सञ्जालमा मेयर सामपाङ लेख्छन्,’ श्रम संस्कृति पद मार्ग निर्माणको वाचा गरेका थिए पुराएनन ! बोलेको पूरा गर्नु है ! बिरुवा रोप्न चाहिँ आउँदा हुन्छ ! वेल्कम छ! बधाई छ जे होस ! जय पितापूर्खा !’