मोरङ: मोरङको जहदा गाउँपालिका–३ मा नहरमा डुबेर एक जना बेपत्ता भएका छन् । एक जनाको जीवितै उद्धार गरिएको छ । नहरमा पौडी खेल्ने क्रममा डुबेर भारतको बिहार सिनुवारी घर भइ जहदामा बस्दै आएका २० वर्षीय गणित राजवंशी बेपत्ता भएका हुन् ।
गणित जहदा–३ स्थित मामा घरमा बस्दै आएका थिए । उनी जहदा–३ का १८ वर्षीय दीपेश राजवंशीसँग पौडी खेल्न नहरमा छिरेका थिए । मोरङ प्रहरीका प्रवक्ता रञ्जनकुमार दाहालले प्रहरी चौकी मझारेबाट खटिएको टोलीले स्थानीयको सहयोगमा दीपेशलाई भने सकुशल उद्धार गरेको छ । जीवितै उद्धार गरिएका उनको अवस्था सामान्य रहेको डीएसपी दाहालले बताए ।
हाम्रो कोशी आवाज
