धरानः सप्तकोसी नदी किनारमा युवतीहरूबीच कुटाकुट भएको छ।
सुनसरीको बराहक्षेत्र नगरपालिका— १० मा युवतीहरूबीच कुटपिट भएको भिडिओ सामाजिक सञ्जालमा सार्वजनिक भएको हो । कुटपिटमा संलग्न रहेको आरोपमा एक जना युवतीलाई प्रहरीले पक्राउ गरेको छ । कुटपिटमा संलग्न अन्य ४ जनाको खोजी भइरहेको प्रहरीले जनाएको छ ।
जिल्ला प्रहरी कार्यालय सुनसरीका डीएसपी राजकुमार राईका अनुसार १९ वर्षीया प्रीति लिम्बूलाई आइतबार राति पक्राउ गरिएको हो। कुटपिट घटना गत असार २९ गतेको हो । प्रीतिसहित ५ जना युवतीको समूहले ३ जना युवतीमाथि कुटपिट गरेका थिए । १९ वर्षीया मनिषा राई, नाम नखुलेका १६ र १७ वर्षीया नाबालिगमाथि कुटपिट भएको प्रहरीले जनाएको छ । लिम्बूमाथि अभद्र व्यवहारको कसुरमा अनुसन्धान भइरहेको छ ।