धरानः साम्प्रदायिक र धार्मिक द्वन्द्व सिर्जना गरेको आरोपमा प्रहरीले र विवादास्पद धर्मगुरु आचार्य श्रीनिवास (दिनेश पण्डित) पक्राउ परेका छन् । विवादास्पद अभिव्यक्ति दिएको भिडियो सामाजिक सञ्जालमा आएर भाइरल भएपछि प्रहरीले सुनसरीको चक्रघट्टीबाट पक्राउ गरेको हो ।
साम्प्रदायिक र धार्मिक द्वन्द्व सिर्जना गरेको आरोपमा प्रहरीले नियन्त्रणमा लिइएको जिल्ला प्रहरी कार्यालय सुनसरीका प्रहरी नायव उपरीक्षक नविनकृष्ण भण्डारीले बताए । उनले केही दिन अगाडि उनले हातमा खुकुरी बोकेर गौहत्या गर्नेहरुलाई हत्या गर्न आव्हान गर्दै चर्को भाषण गरेका थिए । गौ हत्या गर्ने जो कोहीलाई हत्या गरेर आए त्यसको आफूले जिम्मा लिने उनको अभिव्यक्ति थियो । श्रीनिवासको सोही अभिव्यक्तिलाई लिएर प्रहरीले सोधपुछ गर्नुपर्ने भन्दै उनलाई नियन्त्रणमा लिएको सुनसरी प्रहरीका प्रवक्ता डिएसपी भण्डारीले जानकारी दिए । ‘केही कुरा बझनुनर्पे भएकोले जिल्ला प्रहरी कार्यालय सुनसरीमा उपस्थितको लागि बोलाइएको हो,’ उनले भने, ‘थप अनुसन्धानपछि मात्र अरु विषयमा भन्न सकिन्छ । अहिलेलाई मैले यति नै भने । प्रहरी स्रोतका अनुसार उनलाई आज सुनसरीमा राखेर भोलि धनुषा पठाइनेछ ।
श्रीनिवासले नेपाललाई हिन्दुराष्ट्र बनाउनुपर्छ भन्दै अभिव्यक्ति दिँदै त्यस्तै गतिबिधि गर्दै आएका छन् । यसअघि आचार्य आफैलाई गोली हानेको आरोपमा पक्राउ परेका थिए । २०७४ चैत २५ गते उनलाई गोली प्रहार भएको थियो ।