धरानः धरान-१२ स्थित सुनाखरी एकेडेमीले धरान उपमहानगरव्यापी एकल नृत्य प्रतियोगितामा प्रथम भएकी छात्रा चारु राईलाई सम्मान गरेको छ ।
स्कुलका प्राङ्गणमा एक कार्यक्रमको आयोजना गरी उनलाई सम्मान गरेको हो । स्कुलका डाइरेक्टर प्रदीपकुमार राई, प्रिन्सिपल मिलनकुमार राई, प्लस टु कोअर्डिनेटर टपकुमार राई लगायतले छात्रा चारुलाई अविर, खदा र सम्मान पत्रले सम्मान गरे ।
स्कुलले पढाइका साथ साथै अन्य अतिरिक्त क्रियाकलापमा पनि उत्तिकै जोड दिएको हुनाले कुनै पनि प्रतियोगितामा विद्यार्थीहरू रित्तो हात नफर्किएको प्रिन्सिपल मिलन राईले बताए ।
धरान जेसिजले आयोजना गरेको धरान जेसिज वर्ष–२०२४ अन्तर्गत पहिलो दिन शनिबार धुलिखेल समाजको सभा हलमा भएको प्रतियोगितामा सुनाखरीको कक्षा–६ मा अध्ययनरत छात्रा चारु प्रथम भएकी थिइन् ।