चिन्डेडाँडाको जंगलमा पनि गाँजा बरामद
धरानः धरानमा लागूऔषध गाँजासहित दुई युवा पक्राउ परेका छन् ।
धरान–६ स्थित प्रहरी चौकी पानमारा सुनसरीबाट खटिएको प्रहरी अधिकृतको टोलीले धनकुटा साँगुरगढी–१ बस्ने बुद्धराज लिम्बू र पछाडि सवार सोही स्थानका महाप्रसाद लिम्बूले लुकाइछिपाइ ल्याएको गाँजासहित पक्राउ गरिएको जिल्ला प्रहरी कार्यालय सुनसरीले जनाएको छ ।
को३२प. १७५० नम्बरको मोटरसाइकललाई शंका लागेर कानुन बमोजिम चेकजाँच गर्दैगर्दा उनीहरूले लुकाइछिपाइ ल्याएको २० केजी गाँजासहित पक्राउ गरिएको प्रहरीले जनाएको छ ।
मोटरसाइकल तथा उनीहरूलाई पक्राउ गरी इलाका प्रहरी कार्यालय धरानबाट थप अनुसन्धान भइरहेको प्रहरीले जनाएको छ ।
यसअघि धरान–२० चिण्डेडाँडा जंगलस्थित बाटो छेऊबाट ६० किलोग्राम ७६० ग्राम गाँजा प्रहरीले बरामद गरेको छ । गत कार्तिक ९ गते इलाका प्रहरी कार्यालय धरान सुनसरीबाट गस्तीमा खटिएको प्रहरी टोलीले सो गाँजा बरामद गरेको हो ।