धरानः धरानमा दुई अविवाहित युवतीले किटनाषक औषधि सेवन गर्दा गम्भीर बनेका छन् ।
जिल्ला प्रहरी कार्यालय सुनसरीका अनुसार धरान-२ देशीलाइन बस्ने ३२ वर्षीया रसिता राई (अविवाहित) ले किटनाशक विषादी सेवन गरेकी थिइन् । उनको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ । उनको अवस्था गम्भीर रहेको प्रहरीले जनाएको छ । हाल उनी अचेत अवस्थामा रहेको प्रहरीले जनाएको छ ।
यस्तै, धरान-५ बस्ने १९ वर्षीया सुस्मिता राईले किटनाशक विषादी सेवन गरेकी छिन् । उनको अवस्था मध्यम रहेको प्रहरीले जनाएको छ । उनको हाल प्रतिष्ठानमै उपचार भइरहेको प्रहरीले जनाएको छ ।
उता सुनसरीको दुहवीमा करेन्ट लागेर एकजनाको ज्यान गएको छ ।
दुहवी-०३ बस्ने १८ वर्षीय सुजन चौधरी आफ्नै घरमा बत्ती जोड्ने क्रममा करेन्ट लागेर उनको ज्यान गएको हो । उनको उपचारका क्रममा मृत्यु भएको प्रहरीले जनाएको छ ।