धरानः श्री पब्लिक हाइस्कूल, धरानका कक्षा–१२ का विज्ञान विषय अध्ययन गर्ने विद्यार्थीहरूले विज्ञान प्रयोगात्मक तालिम कक्षामा रक्त समूह (ब्लड ग्रुप) सम्बन्धी प्रयोग गरेका छन् । विद्यालयका प्रधानाध्यापक डा. इन्द्रमोहन झाले विद्यार्थीहरूको प्रयासको सराहना गर्दै, आगामी दिनमा यस्ता प्रयोगात्मक कक्षाहरू निरन्तर जारी राख्ने प्रतिबद्धता जनाएका छन् ।
विद्यार्थीहरुलाई रक्तको विभिन्न समूह र त्यसका महत्वबारे थाहा दिन उद्देश्यले पाठ्यक्रम अनुसार नै तालिम कक्षा आयोजना गरिएको साइन्स तथा इलेक्ट्रकल इन्चार्ज मोहन श्रेष्ठले जानकारी गराए ।
प्रयोगात्मक कक्षामा विद्यालयका विज्ञान शिक्षक किशोर चौधरीले रक्त समूहको परिभाषा, ए, बी, एबि र ओ रक्त समूहका विशेषताहरू र उनीहरूको सापेक्षताबारे विस्तृत जानकारी प्रस्तुत गरे । विद्यार्थीहरूले रक्त परीक्षणका विभिन्न विधिहरू जस्तै एंटीबॉडी र एंटीजनको प्रयोग गरी ब्लड ग्रुप परीक्षण गरे । ल्याव एसिष्टेन्ट योगिता गुरुङले ब्लड ग्रुपिङ्ग गर्न सानो समूहमा अभ्यास गर्न सहयोग गरेका थिए ।
यस प्रयोगात्मक कक्षामा सहभागी विद्यार्थीहरुले रक्त समूहको महत्व र यससँग सम्बन्धित जीवनदायिनी जानकारी सिक्न पाएका छन् । साथै, शिक्षकद्वारा रक्त सञ्चार, रक्तको दान र प्राप्तिका बारेमा पनि विस्तृत व्याख्या गरिएको थियो । प्रयोगात्मक कक्षाले विद्यार्थीहरूको ज्ञानलाई थप सुदृढ बनाउने काम गरेको छ ।
यो प्रयोगात्मक कक्षाले कक्षा–१२ का विद्यार्थीहरुलाई केवल सैद्धान्तिक ज्ञानमात्र नभई व्यवहारिक ज्ञानको पनि महत्त्व बुझेको छ, जसले तिनीहरूको भविष्यका अध्ययन र करियरको लागि महत्वपूर्ण योगदान पुरयाउने विश्वास गरिएको छ ।