धरानः धरानमा लागूऔषधसहित युवा पक्राउ परेका छन् ।
पक्राउ पर्नेमा धरान–१३ जिरोप्वाइन्ट बस्ने २१ वर्षीय राजकुमार विश्वकर्मा रहेको प्रहरीले जनाएको छ ।
इलाका प्रहरी कार्यालय धरानबाट प्रहरी सहायक निरीक्षक वीरबहादुर भण्डारीको कमाण्डमा खटिएको प्रहरी टोलीले शंका लागेर चेकजाँच गर्दा उनको साथबाट लागूऔषध भेटेपछि उनलाई पक्राउ गरिएको प्रहरीले जनाएको छ ।
लागूऔषध ट्रामानिल लेखिएको–५० क्याप्सुल, स्पास्पेन–५० चक्की गरी जम्मा–१०० चक्की र सामसुङ मोबाइल थान–१ सहित फेला पारी उनलाई पक्राउ गरी थप अनुसन्धान भइरहेको इप्रका धरानले जनाएको छ ।
हाम्रो कोशी आवाज
