धरानः धरान आउँदै गरेको कारलाई रोकेर चेकजाँच गर्दा प्रहरीले १ सय ३७ केजी गाँजा फेला परेपछि दुईजना पक्राउ परेका छन् ।
शुक्रबार दिउँसो धरान उपमहानगरपालिका ४ साराङगा चोकस्थित कोशी लोकमार्गमा गोप्य सूचनाको आधारमा इलाका प्रहरी कार्यालय धरानबाट प्रहरी नाउब उपरीक्षक प्रकाश जवेगूको कमाण्डमा खटिएको प्रहरी टोलीले कार चालकसहित पक्राउ गरेको जनाइएको छ ।
धनकुटाबाट धरानतर्फ आउँदै गरेको ग२च ८११७ नम्बरको कारलाई रोकी चेकजाँच गर्दा कारको डिकीभित्र प्ल्याष्टिकमा प्याक गरी लुकाइछिपाई ल्याउँदै गरेको लागूऔषध गाँजा ३७ केजी फेला पारी पक्राउ गरिएको प्रहरीले जनाएको छ ।
पक्राउ पर्नेमा कार चालक जिल्ला उदयपुर बेलका नगरपालिका वडा नं.९ बस्ने २३ वर्षीय तिर्थ दर्जी र सोही कारमा सवार सुनसरीको बराहक्षेत्र नगरपालिका वडा नं.१ बस्ने ४० वर्षीय कृष्ण विसुङखेलाई पक्राउ गरेर थप अनुसन्धान भइरहेको डिएसपी जबेगूले जानकारी दिए ।