धरानः धरान–१६ स्थित युएन, नवोदय कलेजमा फुड फेस्टिबलको आयोजना भएको छ ।
कलेजका अध्यक्ष ज्ञानेश्वर झाले पानसमा बत्ती बालेर कार्यक्रमको उद्घाटन गरेका थिए । फेस्टिबलमा विद्यार्थीले किराती परिकारदेखि २० भन्दा परिकार चखाएको कलेज होटल म्यानेजमेण्ट कोअर्डिनेटर गगनमान श्रेष्ठले जानकारी दिए । विद्यार्थीले नेपाली र विदेशीसहित किरातीदेखि विभिन्न जातजातिका परिकार, खाना, धराने मःम, थुक्पाको परिरकार साथै अन्तर्राष्ट्रियस्तरका परिकारसमेत चखाएको उनको भनाइ छ ।
होटल म्यानेजमेण्टको विद्यार्थीको क्षमता, प्रतिभा प्रदर्शन गर्न फेस्टिबलको आयोजना गरिएको उनले जानकारी दिए । उनका अनुसार फेस्टिबलले खाना पकाउनेमात्रै होइन बेच्ने कलासम्मको ज्ञान मिलेको छ । अध्ययनका क्रममा आफूहरुले सिकेका ज्ञान प्रयोग गरी बनाइएका परिकार र डिजाइनहरू प्रदर्शनीमा राखिएको क्याम्पस प्रमुख डम्बरकुमार तुम्बापोले जानकारी दिए । फेस्टिबलका लागि विद्यार्थी आफैंले परिकार पकाउने र पस्कने गर्दा उनीहरुमा थप क्षमता अभिवृद्धि हुने उनी बताउँछन् । फुड फेस्टिबलबाट भविष्यमा आफैंले कुनै व्यवसाय गर्न वा जागिर खानका लागि व्यवहारिक ज्ञान आर्जन गर्न सक्ने उनले बताए ।
कलेजमा होटल म्यानेजमेण्ट, बिएचएमका साथै म्यानेजमेण्ट, कम्प्युटर साइन्स, साइन्स, बिबिएसको अध्ययन अध्यापक हुँदै आएको छ । कलेज नतिजामा पनि उत्कृष्ट नै छ । क्याम्पस प्रमुख तुम्बापोका अनुसार विद्यार्थी नेपाल ‘सेकेण्ड टप’ देखि वर्षेनी प्रदेश प्रथम समेत हुँदै आएकोले आफूहरुले गरेको लगानी सही सावित हुँदै आएको छ ।