धरानः धरानको पानबारी जंगलमा अर्धनग्न अवस्थामा मृत फेला परेकी महिलाको हत्या अनुसन्धानका लागि प्रहरीले केही व्यक्तिलाई नियन्त्रणमा लिएको छ ।
महिलाको हत्यामा परिवारकै संलग्नता हुनसक्ने देखिएपछि अनुसन्धानका लागि चारजनालाई नियन्त्रणमा लिएको प्रहरीले नियन्त्रणममा लिएकाहरूको प्रहरीले पहिचान भने खुलाएको छैन ।
सोमबार दिउँसो धरान उपमहानगरपालिका-६ स्थित पाँचकन्या सामुदायिक वनभित्र बिहीबार मृत भेटिएकी महिला धनकुटाको महालक्ष्मी नगरपालिका–२ की ३४ वर्षीया चुनकुमारी दाहाल बुढाथोकी रहेको खुलेको थियो ।
महिलाको पहिचान खुलेपछि प्रहरीले शुक्रबार बिहान अनुसन्धानका लागि चारजनालाई नियन्त्रणमा लिएको हो । प्रहरीका अनुसार चुनकुमारीको योजनाबद्ध रुपमा हत्या भएको देखिन्छ । धनकुटा घर भएपनि पछिल्लो २ वर्षयता उनी १३ वर्षीय छोरासँग इटहरीमा डेरा बस्दै आएकी थिइन् । उनका श्रीमान् वैदेशिक रोजगारीका लागि कोरियामा छन् ।
प्रहरीका अनुसार जंगलमा महिलाको हत्यापछि लसुनेको रुखको फेदमा शवलाई अडेस लगाएर छाडिएको अवस्थामा फेला गोठालाले देखेपछि प्रहरीलाई खबर गरेका थिए ।