धरानः धरानमा ट्रकको ठक्करले पैदलयात्रीको मृत्यु भएको छ ।
धरान-८ तीनकुनेस्थित शनि मन्दिरनजिक कोशी लोकमार्गमा इटहरीबाट धरानतर्फ आउँदै गरेको प्र १–०२–००२ ख ०६७६ नम्बरको ट्रकले नाम, थर, वतन नखुलेको पैदलयात्रीलाई ठक्कर दिएको इलाका प्रहरी कार्यालय धरानका प्रहरी निरीक्षक दिवस कुँवरले जानकारी दिए ।
गम्भीर घाइते बनेका उनको उपचारका लागि धरानस्थित बीपी प्रतिष्ठान पुरयाइएको र उपचारका क्रममा मृत्यु भएको प्रहरीले जनाएको छ । ट्रक र चालक भोजपुर हतुवागाडी गाउँपालिका–५ सुनाखरी टोल वस्ने २६ वर्षीय मोहनप्रसाद राई इलाका प्रहरी कार्यालय धरानको नियन्त्रणमा रहेको प्रहरीले जनाएको छ ।
हाम्रो कोशी आवाज
