धरानः धरानका एक युवा लागूऔषधसहित बाटैमा पक्राउ परेका छन् ।
धरान आउँदै गरेको मे१क ३२५६ नम्बरको बस चेकचाज गर्ने धरान–११ बस्ने २५ वर्षीय विवेक राउत बाटैबाट लागूऔषधसहित पक्राउ परेको प्रहरीले जनाएको छ ।
विराटनगरबाट आउँदै गरेको बसमा सवार उनको साथबाट १९५ पिस क्याप्सुल ट्रामाडोल र १९५ पिस ट्याब डिकोलिक नामक लागूऔषधसहित उनी पक्राउ परेको प्रहरीले जनाएको छ ।
यस्तै, सुनसरीको इनरुवा नगरपालिकाको एरिया इलाकामा लागू औषधओसार पसार भइरहेको छ भन्ने विशेष सुचनाको आधारमा जिल्ला प्रहरी कार्यालय सुनसरी र अस्थायी प्रहरी पोष्ट बसपार्क इनरुवाबाट संयुक्त रुपमा खटिएको प्रहरी टोलीले ब्राउनसुगरसहित दुईजनालाई पक्राउ गरेको छ ।
इनरुवा–४ बसपार्कमा इटहरी उपमहानगरपालिका वडा नं. १६ बस्ने १६ वर्षीय दीपेन्द्र चौधरी र वडा नं. ७ बस्ने १८ वर्षीय निरज चौधरीलाई कानुन बामोजिम चेकजाँच तथा खानतलासी गर्दा निजहरूमध्ये दीपेन्द्र चौधरीको साथबाट लागूऔषध ब्राउन सुगर २.५० ग्राम सहित पक्राउ गरेको प्रहरीले जनाएको छ ।