धरानः धरानमा टिपरको ठक्करले एकजना महिलाको मृत्यु भएको छ ।
पैदल हिँडिरहेकी महिलालाई टिपरले ठक्कर दिँदा ती महिलाको मृत्यु भएको प्रहरीले जनाएको छ । मृतकको परिचय भने खुल्न बाँकी रहेको प्रहरीले जनाएको छ ।
धरानबाट इटहरीतर्फ जाँदै गरेको को१ख ७५०९ नम्बरको टिपरले कोशी लोकमार्गमा पैदल हिँडिरहेकी करिब ३४–३५ वर्षीया महिलालाई ठक्कर दिएको थियो ।
ठक्करबाट गम्भीर घाइते भएकी उनलाई उपचारका लागि वीपी कोइराला स्वास्थ्य विज्ञान प्रतिष्ठान लगिएको थियो । उनको उपचारका क्रममा मृत्यु भएको प्रहरीले जनाएको छ । टिपर चालक मोरङ केरावारी गाउँपालिका–६ बस्ने ५२ वर्षीय सोमबहादुर सुन्दासलाई प्रहरीले नियन्त्रणमा लिएको छ ।
हाम्रो कोशी आवाज
