धरानः धरानमा केहीदिनअघि सुनसरी १ बाट संविधानसभा सदस्य (सांसद्) पदमा निर्वाचित हर्कराज राई (साम्पाङ) को विजय रयाली अघि बढिरहेको थियो । त्यतिकैमा मोटरसाइकलमा सवार रहेका साम्पाङकै समर्थक समेत रहेका नविनलाई सोधपुछका लागि नियन्त्रणमा लिइएको प्रहरीले जनाएको छ ।
उनलाई धरान–१५ श्यामचोकबाट नियन्त्रणमा लिइएको इलाका प्रहरी कार्यालय धरानका डिएसपी भीषणबाबु राईले जानकारी दिए । ‘युवतीले मोटरसाइकल हराएको भन्दै उजुरी परेपछि उनी नियन्त्रणमा परेका हुन्’, डिएसपी राई भन्छन्, ‘अहिले उनी इलाका प्रहरी कार्यालयमै सोधपुछमै छन् ।’
नविन बाग्मती प्रदेश ०२–३६प५५४० नम्बरको बुलेट मोटरसाइकलमा सवार थिए । बिहीबार उनलाई नियन्त्रणमा लिएको प्रहरीले जनाएको छ । प्रहरीका अनुसार सो मोटरसाइकल चोरी भएको विषयमा नेपाल प्रहरीले सातदोबाटो, काठमाडौं परिसरबाट हुलियासहितको परिपत्र जारी भएको थियो । सोही आधारमा मोटरसाइकल चलाइरहेका राईलाई नियन्त्रणमा लिइएको प्रहरीले जनाएको छ । युवतीले दिएको जाहेरीका आधारमा उनी प्रहरी नियन्त्रणमा परेका हुन् । श्रम संस्कृति पार्टीका सभापति दिनेश राईले उनी कुनै पदमा नरहे पनि समर्थक रहेको पाइएको बताए । यस विषयमा पार्टीले थप बुझ्ने काम भइरहेको उनले जानकारी दिए ।
सुन्दरी युवतीको मायाजालको पासोमा नविन
प्रेमिका मात्रै होइन, सपनाकी राजकुमारी खोज्ने र सुन्दरीसँग विवाह गर्ने आकांक्षाका कारण पनि हनी ट्रयाप सुन्दरीका शिकार भएका घटना प्रहरीमा भेटिन्छन्, त्यस्तै घटना यो हो भन्छ प्रहरी । शारीरिक आकर्षणमा लोभ्याएर सुन्दर युवतीहरुले पुरुषलाई फसाउने कला हो हनी ट्रयाप । जसरी झिँगा महको लोभमा मह खाएर उड्न खोज्छ, तर उड्न नसकेर ट्रयापमा पर्छ । त्यसैगरी हनी ट्रयापमा महिला शरीर प्रयोग गरिन्छ ।
सुन्दरीसँग विवाह गर्ने सपनाले नविनले ३५ लाख गुमाए त गुमाए नै अहिले प्रहरी खोरमा समेत पुगेका छन् । राम्रो सम्बन्ध रहँदै आएको तर बार्गेनिङ शुरु भयो । केही समय नविनले उनीहरुले मागेजति पैसा दिए । प्रहरीको प्रारम्भिक अनुसन्धानले सुन्दरी युवतीको मायाजालको पासोमा युवा नविन परेको डिएसपी राईले बताए ।
खोटाङ वाक्सिलाकी करिब २५ वर्षीया राई थरकै एक युवतीले नविनलाई अमेरिका लैजान्छु भनेर डिभोर्स समेत गराएको पाइएको प्रहरीले जनाएको छ । नविन हुनेखाने देखेपछि युवतीले मायाजालमा पारेर यस्तो हर्कत गरेको पाइएको प्रहरीको भनाइ छ । ३५ लाख रुपैयाँ पैसा पनि ती युवतीले चलाएको प्रारम्भिक अनुसन्धानले देखाएको र थप अनुसन्धानलाई तीब्रता दिइएको डिएसपी राईले बताए ।
‘खासमा युवतीले केटालाई मायाजालमा फँसाएर ३५ लाख रुपैयाँ समेत चलाएको पाइएको छ’, डिएसपी राईले खुलाए, ‘साथै मोटरसाइकल पनि युवतीकै नाममा पास भएको पाइएको र उनले उजुरी दिँदा उनी फन्दामा परेको पाइएको छ, थप अनुसन्धान हुँदैछ ।’ उनले युवतीसँग युवाको लफडाको कारण यहाँसम्म आइपुगेको समेत बताए ।
डिएसपी राईले ती युवतीले माया गरेजस्तो देखाउने गरेको पाइएको पनि बताए । ‘ती युवती केटाहरुलाई माया गर्छु भनेर सम्बन्ध विस्तार गर्ने, माया गरेजस्तो देखाउनेजस्ता क्रियाकलाप गर्ने र ब्ल्याकमेलमा संलग्न रहेको समेत पाइएको छ, थप अनुसन्धानले देखाइहाल्छ ।’ उनी भन्छन् ।
रूपवान् युवतीसँग शारीरिक सम्बन्ध बनाउने लालशाले हनी ट्रयाप सुन्दरीको शिकार भइरहेका घटनामध्ये यो पनि एक भएको हुनसक्ने प्रारम्भिक अनुसन्धानले देखाइसकेको डिएसपी राईले बताए । ‘पैसा कमाउन फन्डा गर्ने यी सुन्दरी युवती नाटक गरेर, नक्कली प्रेमिका बनेर युवाहरू फसाउन माहिर रहेको पाइयो ।’ उनी थप्छन् ।
के हो हनी ट्रयाप ?
शारीरिक आकर्षणमा लोभ्याएर सुन्दर युवतीहरूले पुरुषलाई फसाउने कला हो– हनी ट्रयाप । जसरी झिँगा महको लोभमा त्यसमाथि बस्छ, मह खाएर उड्न खोज्छ तर उड्न नसकेर ट्रयापमा पर्छ, त्यसैगरी हनी ट्रयापमा महिला शरीर प्रयोग गरिन्छ । यसमा सुन्दर युवतीलाई प्रयोग गरेर शारीरिक सुन्दरताको लोभ देखाइ आफूअनुकूल ठाउँमा पुरयाई फसाइन्छ । खासगरी रूपवती युवतीलाई प्रयोग गरिने यो शैली जासुसीका लागि लडाइँहरूमा समेत प्रयोगमा आएको पाइन्छ । टार्गेटेड व्यक्तिसँग युवतीको मित्रता जोडिन्छ । पछि बिस्तारै उनीहरू नजिकिँदै आपसमा घुलमिल हुन थाल्छन्, त्यसपछि पैसा, सूचना फुत्काउने काम गरिन्छ । यसका लागि युवतीहरू केवल लक्ष्यलाई प्राप्त गर्न ‘सेक्सुअल ब्ल्याकमेलिङ’ पनि गर्छन् । –शीर्षक सच्याइएको छ ।