धरानः धरानमा घरको कोठामा प्रहरीले लागूऔषध भेटेपछि एकजनालाई पक्राउ गरेको छ ।
पक्राउ पर्नेमा धरान–१७ का ३१ को अनिल भन्ने करण खड्का रहेका छन् ।
धरान उपमहानगरपालिका वडा नं.–१७ घोपा डाँडामा लागूऔषध कारोबार भइरहेको भन्ने प्राप्त सूचनाको आधारमा कोशी प्रदेश प्रहरी कार्यालय विराटनगर र अस्थायी प्रहरी चौकी जोरसखुवा धरानबाट संयुक्तरूपमा खटिएको प्रहरी टोलीले खड्काको घरकोठा खानतलासी तथा चेकजाँच गर्दा कोठाबाट लागूऔषध फेला पारेको थियो ।
ट्रामाडोल–६ सय ५० क्याप्सुल, कोलिबन–९४० ट्याब्लेट गरी जम्मा–१५९० पिस ट्याब्लेट, क्याप्सुल फेला पारेको र उनलाई लागूऔषध सहित नियन्त्रणमा लिई इलाका प्रहरी कार्यालय धरानमा ल्याई थप अनुसन्धान भइरहेको डिएसपी भीषणबाबु राईले जानकारी दिए ।