धरानः धरान–१२ स्थित मेघा हिमालयन कलेजले विभिन्न सौन्दर्य प्रतिभा प्रतियोगिताका बिजेताहरूलाई सम्मान गर्दै छात्रवृत्ति प्रदान गरेको छ ।
बिहीबार कलेजको सभाहलमा आयोजित कार्यक्रममा मिस एसईई २०८३ की बिजेता स्टेला श्रेष्ठ, सेकेन्ड रनरअप स्वस्ती अधिकारी र पब्लिक च्वाइस अवार्ड बिजेता सुप्रभा पाण्डेलाई सम्मान गरिएको थियो । त्यस्तै, मिस प्रोभिन्स आइडल–२०८३ का बिजेता स्वर्णिम थापा मगर र फस्ट रनरअप मुस्कान राईलाई पनि सम्मान गरिएको कलेजले जनाएको छ ।
कलेजका शैक्षिक निर्देशक अर्जुन घिमिरे, उपप्राध्यापक राजेश विद्रोही तथा होटल म्यानेजमेन्ट कोअर्डिनेटर स्मारिका दाहालले बिजेताहरूलाई अबिर र खादा लगाएर सम्मान गरेका थिए ।
शैक्षिक निर्देशक घिमिरेका अनुसार मिस एसईई बिजेता स्टेला श्रेष्ठ र मिस प्रोभिन्स आइडल बिजेता स्वर्णिम थापा मगरलाई प्लस टु अध्ययनका लागि ८० प्रतिशत छात्रवृत्ति प्रदान गरिएको छ । अन्य तीनजनालाई ५० प्रतिशत छात्रवृत्ति उपलब्ध गराइएको उनले जानकारी दिइन् ।
प्रतिभावान विद्यार्थीलाई अध्ययनमा प्रोत्साहन गर्ने उद्देश्यले सम्मानसँगै छात्रवृत्ति प्रदान गरिएको कलेजले जनाएको छ ।