धरानः
धरान–९ मा ठूलो परिमाणमा लागूऔषधसहित एकजना पक्राउ परेका छन् ।
धरान उपमहानगरपालिका वडा नं.–९ बगैंगाचोकमा लागूऔषध कारोबार भइरहेको छ भन्ने प्राप्त सूचनाको आधारमा कोशी प्रदेश प्रहरी कार्यालय विराटनगर र वडा प्रहरी कार्यालय धरान सुनसरीबाट संयुक्तरुपमा खटिएको प्रहरी टोलीले धरान–९ बस्ने वर्ष २५ की फुर्मा गुरुङ लागूऔषधसहित पक्राउ परेका हुन् ।
उनको कोठा खानतलासी तथा चेकजाँच गर्दा उनको कोठाबाट ट्रामोल–९०४ क्याप्सुल र कोलिवान–१२६६ क्याप्सुल गरी जम्मा २१७० क्याप्सुल फेला परेको प्रहरीले जनाएको छ । उनीमाथि इलाका प्रहरी कार्यालय धरानमा ल्याई थप अनुसन्धान गर्ने कार्य भइरहेको प्रहरीले जनाएको छ ।
हाम्रो कोशी आवाज
