धरानः सरसफाई शाखामा कार्यरत् सफाइकर्मी मन्दीप राईको निधनप्रति शोक व्यक्ति गर्दै धरान उपमहानगरपालिकाले बिहीबार शोकबिदा दिएको छ ।
बिहीबार बिहानै उनले आत्महत्या गरेको नगर कार्यपालिकाका प्रवक्ता एवं वडा नं १४ का अध्यक्ष कृष्णप्रसाद भट्टराईले जानकारी दिएका छन् । २०८१ भदौ १ गतेदेखि कार्यरत सफाइकर्मी राईको निधन भएको हो ।
उनको निधन भएपछि कार्यवाहक नगर प्रमुखस्तरीय निर्णयबाट बिहीबार एकदिन नगर कार्यपालिकाको कार्यालय तथा अत्यावश्यक सेवाबाहके मातहतका सबै वडा कार्यालयहरु, स्वास्थ्य संस्थाहरूमा शोक विदा दिने उपमहानगरपालिकाले जनाएको छ ।
शोकविदाको कारण बिहान ९ बजे बस्ने भनिएको कार्यपालिका बैठक र नगरसभा स्थगित गरिएको कार्यवाहक नगर प्रमुख अइन्द्रबिक्रम बेघाले जानकारी दिए । उनले भोलि बिहान ९ बजे कार्यपालिका र दिउँसो १ बजे नगरसभा हुने जानकारी समेत दिए ।
अहिले धरान उपमहानगरपालिकाको बजेट होलिडेमा छ । कानुनतः असार १० गतेभित्र बजेट आइसक्नुपर्ने तर आर्थिक वर्ष शुरु भइसक्दा पनि बजेट आएको छैन ।