धरानः धरानका दुईजना लागूऔषधसहित पक्राउ परेका छन् ।
प्रहरीलाई छल्दै को३१प ८८८५ नम्बरको स्कुटीमा सवारी उनीहरू लौकहीबाट धरानतर्फ आउँदै गर्दा बाटैमा समातिएका हुन् । जिल्ला प्रहरी कार्यालयका प्रहरी नायब उपरीक्षक चन्द्रबहादुर खड्काका अनुसार पक्राउ पर्नेमा स्कुटी चालक धरान–१७ बस्ने २८ वर्षीय हेम राई र पछाडि सवार ४४ वर्षीय जयबहादुर खड्गी रहेका छन् ।
उनीहरूको साथबाट लागूऔषध खैरो हिरोइन (ब्राउन सुगर) १.३८ ग्राम फेला परेको प्रहरीले जनाएको छ । उनीहरूलाई नियन्त्रणमा लिएर इलाका प्रहरी कार्यालय महेन्द्रनगरमा राखेर थप अनुसन्धान भइरहेको प्रहरीले जनाएको छ । बराहक्षेत्र वडा नं. १ मुसहरी टोलमा इलाका प्रहरी कार्यालय महेन्द्रनगर र प्रहरी चौकी मधुवनको प्रहरी टोलीले उनीहरूलाई समातेको हो ।