Hamro Koshi Aawaj

सोमबार, कार्तिक ३० २०८३

हाम्रो कोशी आवाज / कोशी आवाज koshionline, koshi pradesh news

Advertisment

SKIP THIS

धरानमा अन्तर्राष्ट्रिय महिला फुटबलः धरानकै सजिनाको हयाट्रिक

हाम्रो कोशी आवाज
कार्तिक २९ २०८३, आइतबार
धरानमा अन्तर्राष्ट्रिय महिला फुटबलः धरानकै सजिनाको हयाट्रिक

धरानः धरानमा जारी अन्तर्राष्ट्रिय आमन्त्रण ‘प्रथम महिला गोल्डकप फुटबल’ प्रतियोगिताअन्तर्गत भएको दोस्रो क्वाटरफाइनल खेलमा धरानको स्वर्णिम क्लबले फराकिलो र सहज जीत निकाल्दै सेमीफाइनलमा प्रवेश गरेको छ ।
रात्रीकालीन प्रतियोगिता धरान–१६ स्थित रंगशालामा भइरहेको छ । आयोजक डी १९ क्लब र स्वर्णिम फुटबल क्लबको संयुक्त आयोजनामा भइरहेको प्रतियोगितामा आयोजक नै सेमीमा प्रवेश गरेको हो । गाइघाट फुटबल क्लब उदयपुरलाई ५–० गोलले पराजित गर्दै स्वर्णिम सेमीफाइनलमा पुगेको हो ।
स्वर्णिम क्लबकी सजिना साङताङले ह्याट्रिक गरिन् भने समीक्षा मगरले दुई गोल गरेकी छिन् । पहिलो हाफमा ३–० को अग्रता बनाएको घरेलु टोलीले दोस्रो हाफमा थप दुई गोल गर्दै ५–० को जीत निकालेको थियो । पहिलो हाफमा सजिनाले एक गोल गर्दा समीक्षा मगरले दुई गोल गरेकी थिइन् । दोस्रो हाफमा सजिनाले थप दुई गोल गर्दै आफ्नो ह्याट्रिक पूरा गर्न सफल भइन् ।
आजको खेलमा हयाट्रिकसहित तीन गोल गरेकी सजिना प्लेयर अफ द म्याच घोषित भइन् । प्रतियोगिताअन्तर्गत भोलि हुने खेलमा विभागीय टोली त्रिभुवन आर्मी फुटबल क्लबले बाग्मती युवा क्लबबीच हुनेछ । प्रतियोगिताको बिजेता टोलीले नगद पाँच लाख रुपैयाँ प्राप्त गर्नेछ । प्रतियोगिताको फाइनल खेल मंसिर ५ गते हुनेछ ।

प्रकाशित मिति: कार्तिक २९ २०८३, आइतबार

प्रतिक्रिया दिनुहोस्

© 2026 All right reserved to hamrokoshiawaz.com  | Site By : SobizTrend