धरानः कार्यकाल पूरा गरी सरुवा भएका इलाका प्रहरी कार्यालय धरानका डिएसपी ढुुण्डीराज न्यौपानेलाई बिहीबार विभिन्न संघ–संस्थाले विदाइ गरेका छन् ।
१३ महिनाको सफल कार्यकाल सकेर काठमाडौंस्थित प्रहरी प्रधान कार्यलय मानव बेचबिखन अनुसन्धान ब्युरोमा पुगेका डिएसपी न्यौपानेलाई धरानका बिभिन्न संघसंस्थाहरुले बधाई समारोहसँगै विदाइ पनि गरे । शुक्रबारदेखि उनको यहाँ कार्यकाल सकिन्छ ।
बिहीबार इलाका प्रहरी कार्यालय धरानको निर्माणाधीन हिरासत भवन परिसरमा एक कार्यक्रमको आयोजना गरी डिएसपी न्यौपानेलाई विदाइ गरिएको हो । कार्यक्रममा हिरासत भवन निर्माण समिति, धरान फुटबल क्लब र नेपाल पत्रकार महासंघ सुनसरी, बराह गुप प्रालिलगायतका संघसंस्थाहरुले न्यौपानेलाई बिदाइ गरेका थिए ।
ती संस्थाहरुका प्रतिनिधीहरुले खादा, रुदाक्षको माला तथा मायाको चिनो करुवा, लाफिङ बुद्ध तथा अन्य सामग्री प्रदान गरी प्रशंसा पत्रले सम्मान समेत गरेका थिए । उता यसअघि डिएसपी न्यौपानेलाई जिल्ला प्रशासन कार्यलय सुनसरीले प्रशंसापत्रसहित बिदाइ गरिसकेको छ ।
बुधबार सुनसरी सदरमुकाम इनरुवास्थित कार्यालयमा प्रमुख जिल्ला अधिकारी राजेश पौडेलले डिएसपी न्यौपानेलाई प्रशंसापत्र प्रदान गरेका थिए । इलाकाभित्र शान्ति सुरक्षा अमनचयन कायम राख्दै विभागीय र जिल्ला सुरक्षा समितिको निर्दैशनलाई आत्मसाथ गर्दै जिम्मेवारीलाई प्रभावकारी रुपमा सम्पादन गरेको भन्दै जिल्ला प्रशासन कार्यलयले डिएसपी न्यौपानेको प्रशंसा समेत गरेको छ ।
बिदाई बिहिबार कार्यक्रममा एन्फाका मानार्थ उपाध्यक्ष किशोर राई, भवन निर्माण समितिका सचिव मुरारी सुवेदी र पत्रकार महासंघ सुनसरीका उपाध्यक्ष सन्तोष काफले, बराह गुपका गंगा कालिकोटे लगायतले शुभकामना मन्तव्य दिए । यसअघि सुनसरी उद्योग वाणिज्य संघले पनि जेठ २० गते मंगलबार एक कार्यक्रमका बीच डिएसपी न्यौपानेलाई सम्मान गरिसकेको छ । बिदाइ कार्यक्रमको संयोजन भवन निर्माण समितिका संयोजक मीन सुब्बाले गरेका थिए ।
फोटोः लक्ष्मण थापा