धरानः धरानस्थित बीपी कोइराला स्वास्थ्य विज्ञान प्रतिष्ठानमा कायरत् मेडिकल अफिसरहरूले आन्दोलनका कार्यक्रम स्थगित गरेका छन् ।
१५ प्रतिशतले तलब बढ्ने भएपछि उनीहरूले आन्दोलन छोडेका हुन् । प्रतिष्ठान पदाधिकारीहरूसँग भएको छलफलमा डाक्टरहरूको १५ प्रतिशत तलब वृद्धि हुने भएपछि उनीहरूले आन्दोलन छोडेका हुन् । यो मागको विषयमा सिनेट बैठकमा प्रस्ताव लैजाने सहमति बनेपछि आन्दोलन छोडेको एक डाक्टरले जानकारी दिए ।
सबैको तलब बढेको तर उनीहरूको तलब नबढेपछि उनीहरू काम छोडेरै उपकुलपतिको कार्यालय अगाडि धर्नामा बसेका थिए ।
सबै (कर्मचारी, प्रोफेसर, डाक्टर, नर्स, सेक्युरिटी गार्ड, नर्स, उपकुलपति आदि) सबैको तलब छुट्याइएको तर मेडिकल अफिसरलाई भेदभाव गरिएको भन्दै उनीहरू आन्दोलनमा होमिएका थिए ।
आठौं तह मेडिकल अफिसरको तलब ४५ हजार ७ सय ४६ रूपैयाँ भएको (भत्ता सुविधाबाहेक) तर २९ हजारमा ५ वर्षदेखि कार्यरत् रहेको बताएका छन् । उनीहरूले आफूहरूले एनएमसी पास र नम्बर पाएको मेडिकल डाक्टर भएपनि ट्रेनीको हिसाबमा मात्रै राखेको गुनासो पनि पोखेका छन् ।