धरानः सुनसरी उद्योग वाणिज्य संघले जिल्ला प्रशासन कार्यालय सुनसरीबाट सरुवा हुन लागेका प्रमुख जिल्ला अधिकारी राजेश पौडेलको विदाइ कार्यक्रम सम्पन्न गरेको छ ।
संघका अध्यक्ष गिरिधारी सापकोटाको अध्यक्षतामा सम्पन्न सो कार्यक्रममा पौडेलले सुनसरीवासीहरुको साथ र सहयोग कहिल्यै नबिर्सने र हात मिलाएर बिदा हुन नपाएपनि कामको कारणले जिल्लावासीसँग सामिप्यता बढेको बताए । ‘सुशासन र सदाचारका कार्यहरुलाई मैले व्यवहारमा ल्याए र त्यसको मूल्याङ्कन नागरिक समाज र राजनीतिक दलले गर्ने नै छ’ कार्यक्रममा पौडेलले भने ।
सुनसरी उद्योग वाणिज्य संघका प्रथम उपाध्यक्ष शिवराज श्रेष्ठ, पूर्व अध्यक्ष गौरीशंकर अग्रवालले मन्तव्य राखेको कार्यक्रम संघका महासचिव राजेश अग्रवालले सञ्चालन गरेका थिए ।