धरानः धरानमा वर्षाको समयसँगै सुकुम्बासी बस्ती जोखिममा पर्ने भएपनि क्षति न्यूनिकरणका लागि सम्बन्धित निकायले केही पहल नगरेको पाइएको छ । धरानमा सेउती र सर्दु खोलाको छेउमा बसोबास गर्ने सुकुम्बासीहरुको हालत यस वर्ष पनि पत्ला बन्ने निश्चित छ ।
जोखिम भएपछिमात्र त्यस स्थानमा जोखिम न्यूनिकरणमा वैकल्पिक योजना ल्याउने गरिएको छ । नगरपालिकाको तथ्यांकमा जोखिमपूर्ण क्षेत्रको उल्लेख नभएपनि सुकुम्बासीहरूले भने पाँचकन्याका वस्ती, सर्दु, सेउती खोलाले भेट्ने स्थान जोखिमपूर्ण रहेका छन् ।
सेउतीमा मात्रै चार सय घर बाढीको उच्च जोखिममा
सेउतीमा मात्रै खोलामा बाढी आएपछि चार सय घर बाढीको उच्च जोखिममा रहेका छन् ।
धरान उपमहानगर वडा नम्बर ५ तल्लो देउरालीको सुन्दर वस्तीमा रहेको करिब ४ सय घर बाढीको उच्च जोखिममा रहेको हो । बिहीबारको बाढीले जीतबहादुर लिम्बुको घर कटान गरिसकेको छ । घर नजिकै रहेको बिजुलीको पोल समेत ढलेको छ । सुन्दर वस्तीको प२र्वबाट अँधेरी खोलाले कटान गरेको छ भने पश्चिमतर्फ सेउती खोलाले कटान गरेको छ ।
बिहीबार रातभर पानी परेको कारण थप खोलामा बाढी आएको छ । शुक्रबार बिहान जनता समाजवादी पार्टीका नेता कार्यकर्ता समाजवादी सुकुम्बासी संघका प्रतिनिधिहरु बाढी कटान स्थलमा पुगेका थिए । सो अवसरमा स्थानीय पासाङ शेर्पाका अनुसार ग्याबिङ हाल्न तारजाली माग गरेपनि समयमै उपलब्ध नहुँदा थप समस्या परेको बताए ।
उनले हाल ३५ थान तारजाली उपलब्ध भएको बताए । हाल ३५ थान तारजाली उपलब्ध भएपनि त्यसमा भर्ने ढुंगा नभएको बताए । तारजाली ल्याउन समेत स्थानीय आर्थिक अवस्था नाजुक भएका कारण धरौटी राख्न नसक्ने अवस्थामा भएको बताए ।
स्थानीय जीतबहादुर लिम्बूका अनुसार आफूहरु हडपेर नबसी समितिले जग्गा दिएकोले २०६२–६३ देखि नै बस्न थालेको बताए । तत्कालीन अवस्थामा आफू बसेको भन्दा कयौं दुरीमा मात्र खोला बग्ने गरेकोले सुरक्षित रहेको बताए । पछिल्लो समयमा बाढीले कटान गदै आफ्नो घरनजिक आइपुगेको बताए ।
पासाङ शेर्पा आफूहरु रहरले नबसेको बताउँछन् । समितिले राखेकै कारण स्थानीय निकायले बत्तीको ब्यवस्था गरिदिएको बताए । फोटोः निमा पोङ्सुवा