धरानः प्रहरीले खैरो हेरोइनसहित तीन युवालाई पक्राउ गरेको छ ।
इलाका प्रहरी कार्यालय धरानका डिएसपी ज्ञानेन्द्रबहादुर बस्नेतले धरान उपमहानगरपालिका वडा नं. ८ स्थित भित्री सडक खण्डमा शंकास्पद अवस्थामा हिँडडुल गरिरहेका युवाको शरीर खानतलासी गर्दा खैरो हिरोइन फेला परेको जानकारी दिए ।
वडा नं. १८ शिवमार्ग बस्ने वर्ष २६ को प्रवल राईको शरीर खानतलासी गर्दा १५० मिलिग्राम खैरो हेरोइन जस्तो देखिने धूलो पदार्थ फेला परेको प्रहरीले जनाएको छ । उनीमाथि अनुसन्धान गर्दा वडा नं. ८ बस्ने वर्ष २४ को सविन रानामगरको माध्यमबाट खरिद गरेको भनी खुलाएकोले सविनलाई नियन्त्रणमा लिई सोधपुछ गर्दा वडा नं. ८ बस्ने सुमेन मोक्तानसँग खरिद गरेको भनी खुलाएकोले निज सुमेन मोक्तानको घर खानतलासी गर्दा उनको घरकोठामा लुकाई राखेको अवस्थामा १५० मिलिग्राम खैरो हेरोइन जस्तो देखिने धुलो पदार्थ फेला परेको र उनीहरूलाई पक्राउ गरेको प्रहरीले जनाएको छ ।
उनीहरूलाई पक्राउ गरी जिल्ला अदालतबाट अनुसन्धान कार्यको लागि म्याद थप भई अनुसन्धान भई रहेको प्रहरीले जनाएको छ ।