धरानः धरानस्थित बीपी कोइराला स्वास्थ्य विज्ञान प्रतिष्ठान धरानमा शुक्रबार १० जना डिस्चार्ज भएसँगै अब दुई जना मात्रै संक्रमित उपचाररत छन् ।
प्रवक्ता डा. निदेश सापकोटाले शुक्रबार पिसिआर रिपोर्ट नेगेटिभ आएपछि झापाका ३ जना, सुनसरीका ५ जना, मोरङमा २ जना डिस्चार्ज भएसँगै अब दुईजना मात्रै संक्रमित उपचाररत रहेका हुन् ।
डिस्चार्ज हुनेमा २ जना महिला र ८ जना पुरूष गरेको प्रबक्ता डा. सापकोटाले जानकारी दिए । प्रतिष्ठानमा अहिले सम्म १२ हजार २ सय ६७ जनाको पिसिआर परिक्षण भएको छ ।
प्रतिष्ठानबाट हालसम्म २६६ जना उपचार पश्चात संक्रमणमुक्त भएर डिस्चार्ज भइसकेका छन् । प्रतिष्ठानमा सप्तरीका एक पुरुषको मृत्यु भएको थियो ।
हाम्रो कोशी आवाज
